Mängisch fähle eim die Richtige Wort oder e Idee, um öperem e Fröid chönne z mache. Sigs e Begleit-Värs zu me Gschänk, bispüuswies zu me Geburtstag, Hochzyt, zure Komfermation, Entschuldigung u gueti Besserig z Wünsche aber ou für Danke z säge, Wiehnachts u Nüijohrsgrüess z Wünsche.

Mit eim vo dene viele, verschiedene Muschtergedicht, zu aune passende u unpassende Gläge u Verlägeheite, chas eim nid schwär faue, mit chlyne Änderige e paar träffendi Zilete zwäg z bringe.

Die zämetreiti Sammlig u di viele Ydrück vo mine Wanderige, über stotzigi Höger u schöne Landschafte, bhaute ni fescht, mit em nötige Wärchzüg im Rucksack. Derzue begleite mi by jedem Schritt u Tritt im Chopf und uf de Lippe, e Buechstabe-Salat vo Wörter, Süube u Ändige, wo ni uf em Ussichts-Bänkli versueche zu me Värsli z Büngle.

S Erschte Buech wo 2016 uf e Lade-Tisch isch cho, isch vüune scho bekannt «Em Dorfbach noh».